看了蔡東豪的毅行出哲學，發現自己原來有中年危機，其實以年齡計，我早就踏入中年，不會再有人叫我哥哥，只會喊我叔叔，難怪如此抑鬱。
據說，中年危機最有可能搞婚外情，我未婚，未有資格，搞人地老婆，又太衰格，搞小妹妹，人地嫌我老，弊。
蔡東豪說中年危機的人，多數會搵樣不一樣的東西俾自己搞，他毅行、馬拉松，咁計的話，我幾年前已經中年危機了，否則唔會學車、學網球、學鋼琴，事實上，我年少老成，中學時已覺得自己是個中年人，穿polo tee（不是有馬仔那隻，只是那個款啦，後來就有買那些恤衫，但始終沒有一件polo的polo tee），中年了這麼多年，終於人到中年，抑鬱ing。
