言多

我以為自己好寡言，其實十分多口，而且可以滔滔不絕，悶死人，都唔知。
我幾十年來都不覺得自己多言，昨晚有人話我：你講乜都咁多理論！
我驚覺，真係喎，我成日以為自己想得多，講得少，其實就係想得多，講得更多，唔知點解會咁，我以前一直認為，只有寂寞的人才多言，因為無人傾偈，所以有機會就長篇大論廢話連篇，原來，我都好多廢話。言多，必失，所以都係講少句好了。