由儉入車

9.11後連續兩次被裁員，對於工作保障不穩定性猶有餘悸，因此這些年來，都盡量過省儉生活，加上去年再買樓，擔心負擔不起，所以花錢時更謹慎。
日前與媽媽飲茶時，聊到梅豔芳母親經常要求增加生活費，我未有資格供養媽媽，她說，如果每月有五千元已經好夠使唔晒，我不以為然，說人又點會嫌錢多？唔好話五千蚊，五萬蚊一個月都使使得晒啦。我續稱，用慣左，做人就無得返轉頭，由儉入奢易，由奢入儉難呀！
講完，我自己都驚一驚，係喎，做人真係無得返轉頭，我以前有車，後來賣了，年多後，近日又買車，就是覺得有車好似方便一點，有過車的日子，就會覺得公共交通工具慢、唔夠方便，雖然可以搭的士，但一般情況下又唔會做「伸手黨」，所以，都係買返車。
由奢入儉，真係無乜可能做到。

情何以堪

我不愛動物，自少沒有想過要養寵物，就算養，都只考慮過養魚，因為互相不會有接觸。
近日女朋友養了一隻貓，是她的一個男性朋友的，據她說，因為朋友搬了家，地方細了，家人又反對，所以要寄養在她家中，如我所料，她決定收養那隻貓。
養貓不是問題，如果隻貓不太甩毛，而主人又會自律地花時間、精神照顧牠及收拾地方，可惜，兩樣都不是。
近日，有時我上到她家，因為梳化太多貓毛，要坐到廳另一旁，貓去完厠所，貓沙弄了一地，我明白動物有自己的習慣，所以我都唔介意牠咁做，只係我覺得做主人，應該有心理準備照顧貓兒吧，老實講，層樓我少少地都算有個名，上到去竟然無立錐之地，真係情何以堪？
我與家人兩個人住477呎，實際300呎多一些蚊型單位，我女朋友一個人住600幾呎，實施逾500呎單位，有一間房變成真真正正雜物房，同時是她的朋友「迷你倉」，幾十呎的房，可以入到去無位企，所以，我真係唔知講乜好。
我唔係想話佢，當面嗌交亦無乜意思，只係，我真係想她，花一些精神，想想我的感受，想到自己唔知為乜與她一起，情何以堪？