日前與家人飲茶，等家姐來期間，妹妹忽然向母親說：「家姐有個驚喜俾你。」我聽後揚一揚眉，母親反應緊張，「咩驚喜？」「帶多個人來。」「咩人？」「唔知。」我：「我都唔知，第一次聽到。」
結果，姐姐一個人出現，母親說：「唔叫埋佢上來？」「佢話下次先。」「唔緊要，上來啦。」「下次先啦。」
我沒有作聲，待母親行開，問姐姐：「同事？」「我公司都冇男人。」「有冇相？」她把手機交給我，是個正常男人，不是肥佬，也不光頭。