表弟我不熟,因為他細細過已經移民澳洲,幾十年不見一次,街上撞到都未必認得,所以去飲,都係做樣咁,食完一餐,仲病了,喉嚨痛加小小感冒,已經給了人情,希望不要看埋醫生。
去這些場合,自然被親戚問「幾時到你」這些問題,我好老實:總有機會。其實這些都不是重點,重點是我母親。
當日,有個好像近百歲的長輩到場,是有錢人,其中一個兒子是法官,報紙不時有他的名字,如果不怕拉關係,這個法官,其實是我表哥,不過我這些窮親戚,又係十幾廿年不見一次,大吉利是講句,下次見,可能是有白事了,事實上,上次見,是在殯儀館。
我阿媽當晚,禮貌地帶我們幾個仔女與那長輩打招呼,之後,又特別介紹埋我女朋友,無乜所謂既本來,我阿媽卻忽然說:我地搬左來呢面海住,XX呀。我心裡已爆了個「屌」啦,做乜呢!住山頂、貝沙灣就講給人知啫,如果個單位、間屋一億幾千萬以上,我都唔介意做暴發戶,住XX都講!真係好老土,人地都唔知你住邊啦,多餘。之後,我text女朋友:「我阿媽自卑心態作崇。」慶慶地,可能咁,病Q埋,食左半排必理痛,飲左感冒茶都無用。
沒有留言:
發佈留言