賣車奇遇

假期唯一掛心的事，是新車幾時落地。
換車，自然要賣舊車，搵收車公司收，壓很多價，自己上網賣，價錢好好多，而且，原來不麻煩，我花不了一個星期，已經成事。
話說，我把車的資料、相片放上網，有幾個人詢問資料，最終兩個人約看車試車，我平日返工，都約了星期日，中午及下午，由於我不求價，只求售，所以帶了文件副本，以示誠意，價錢合可即交易。
當日中午在觀塘第一個準買家試車，駕了一圈，他看了內內外外，滿意，請我酌量減少少，我話既然你想買，我想賣，一、二千蚊，就不要講價了，我話我帶了文件副本出來，如果真係買，就交給他，可以做保險，最快翌日可成交。
可能他真係覺得架車ｏｋ，我又爽快，結果就作實了，看一次車就成交，我都幾開心，因為價錢在我預計之內，最重要是少麻煩。
不過咁，當日下午其實還有另一準買家約了看車，我費事煩，既然有人買了，就ｔｅｘｔ話取消看車，點知對方竟然來電，一開聲就粗口小九我，話有沒有搞Ｘ錯，約左看車，早上就賣左，可以約我再早些看，你點九樣做野，點Ｘ樣做人，Ｘ你老母，好彩架車我幫人搵，如果其他人自己要，你轉電話都得，否則搵到你，打Ｘ你一鑊。。。
我同佢講，唔使咁掛，我賣車，價合就出讓，無諗咁多，我只係普通用家，又唔係車房那些人，有人買，自然賣，費事煩姐，佢仍然未息怒，你幾大個人呀，點九樣做野呀，講好左，又賣左，我心想，你黐線架，架車我既，我即時話不賣，你都奈我唔何啦，搵人打九我，我做邊行？我使驚你條七頭？
不過當日要返工做電視遊行，為免他糾纏，不斷打電話給我麻煩，我不斷講對不起，唔好意思。。。最後，他說，你講咁多次，算啦。
我甩身，呢條七頭氣頂完，我分毫不損，無野啦。其實，我想，好彩無給他看車，否則他「幫人搵車」，即係做二手車行或車房，實壓我價，與其你壓我價，我自己賣給真正用家，更好。
賣車大結局，係買家係個後生仔，有些似同事Ａｌｅｘ，約了在運輸署辦手續，期間他說了點解買我架車，原來他周六，在沙田源禾路打籃球，我當日打網球，他上網見過我架車，覺得眼熟，現場看過，就約出來正式看，真是巧合。
大家等辦手續時，又吹下水，原來他在工程公司做，正做體院翻新工程，所以周六在沙田打波，住屯門某屋苑，看車當日，還拍了照片給女朋友看，買賣時，拿一個白信封裝住一疊錢，給我慢慢數，就像我當年首次買車，都係如此凝重的，結果，順利完成交易，我仲幫他駕車到附近車房，整新車牌，愉快地講再見，我也正式離開坐了三年的車了。
臨別秋波，看看我第二架車的照片。