母親問我假期得閒否，可不可以與她到寶福山，即是去外公外婆與父親骨灰龕靈位的地方「拜山」。新年，其實唔應該係拜山，算係類似還神的東東吧。
做孝子賢孫，無得話唔好，而且去沙田又唔算遠，事實上，我家所謂「拜山」，是很快捷的事，基本上不計往返交通時間，及行梯級上去骨灰龕位的時間，實際拜祭的時候，可以在十分鐘內完成，甚至更短，因為只是放下鮮花、生果，鞠幾個躬便完成，想留多一些時間，也沒有甚麼可做，不走不成。
今天「拜山」後，母親說寶福山寄信給她，說所有龕位已售出，問她有沒有興趣賣出自己的長生祿位（即是生前買定個龕位死後用），母親說絕對不賣，「而家有個位，第日去左，都安安樂樂啦！」
我無言而對，心卻想：「如果我死先，會唔會俾我用先？」這些話，當然無說出口。之後再想（只是心想），其實，放入骨灰龕又如何？幾十年後，當我地幾個仔女都死埋，仲有咩人拜祭呢？（事關我們家似乎沒有甚麼子孫）我幾乎想向母親說：我死左，海葬就得。（當然又係無講，說了出口的，是：陣間去邊度飲茶？）