渣馬跑死人，果然係唔做運動唔知身體好。早上聽新聞，知道有個後生仔跑到死了，好似好大件事，我卻覺得無乜咁驚奇，隱性心臟病，做劇烈運動暴斃絕對不出奇，年中總有幾個所謂中年人、壯漢出事，受訓的紀律部隊是高危。
香港人大部份生活習慣不太健康，煙、酒、三高飲食，身體有毛病是正常，很健康才是異數，平時無乜劇烈活動，只是行街吹水，當然覺得自己好fit，其實有暗病唔知，七萬人跑馬拉松才一個人死，我思疑，某程度上證明香港人都唔係太唔健康，咁講，可能幾涼薄。
話說回來，要死唔使病，如果跑步死了，似乎唔係太痛苦，（雖然說不上安詳．．．），咁死，都唔係太差。（老實講，我聽到呢單新聞時，真係咁諗。）