又要談新屋。
是咁的，搬屋在宜家買了不少家私（有購物），預約送貨時間，真是令人氣結。
宜家會咁安排，揀好日子，平日早、午、晚時段，假如選下午，時間竟然是二時至六時，即是如果你唔請假，基本上不能收貨，如果選假日，即是你那天不能出街。
好了，到送貨當日，會早一小時致電你，咁做有個好處，就是知道要等多幾耐，不過對於節省買家時間的作用不大，因為即使他準時送到，你還是會預留了半天時間等他，送來了家私，餘下時間，你也沒有其他活動，因為事先你不敢安排其他節目。
不止宜家，其他家私公司也差不多，不過我不會怪送貨工人，因為打工仔我也明白，是公司要慳錢減少送貨車隊所致，要做好物流，學問不簡單。
宜家有個奇怪新做法，就是送貨後翌日，會有人致電給你，查詢送貨及安裝是否滿意，之前兩次我也說ｏｋ，幾好，假如再來電，我會投訴，因為送來一個櫃，第一次櫃身裂了，要換貨，第二次櫃頂花了，又換，聲言星期三會上來換新，又說送貨前會先驗貨云云。
不過是一個櫃吧了，又唔係貴，當然也不算太平，竟然搞三次，如果咁都對宜家的服務質素表示滿意，我都覺得自己有些離譜，所以決定再做一次投訴撚，會向職員揚言，唔補償以後唔幫襯！
這次其實是說消費者權益，都是消費，即是購物啦，是不是？